أداة مجانية

رابطك جاهز في ثواني إنشاء رابط واتساب مجاناً

اكتب رقم واتساب منشأتك ورسالة يبدأ فيها عميلك، وخذ رابط wa.me مباشر وكود QR للمطبوعات. مجاني، ورقمك ما يطلع من جهازك.

ابدأ من هنا

جهّز رابطك

جوال مثل 05XXXXXXXX، أو رقم موحّد أو ثابت عليه واتساب الأعمال، أو رقم من دولة ثانية يبدأ بـ+ ومفتاحها.
يلقاها عميلك مكتوبة أول ما يفتح المحادثة، ويرسلها لك بضغطة.
أمثلة

رابطك

اكتب رقمك، ويطلع رابطك وكوده هنا.

اطبع الكود على الكرت أو المنيو أو واجهة المحل: يصوّره العميل بكاميرا جواله وتفتح محادثتك.

رقمك ورسالتك ما يطلعون من جهازك: الرابط والكود يتسوّون في متصفحك، وما نحفظ منهم شيء.

عندك أرقام كثيرة؟

الصق عمود الأرقام من Excel أو أي ملف، رقم في كل سطر. نرتّب كل رقم بالصيغة الدولية، ونعطيك رابطه. وكل ضغطة تفتح محادثة وحدة.

الروابط هنا بدون رسالة جاهزة، وما فيه زر يفتحها كلها: رسالة شخصية وحدة لكل منشأة، تكتبها بنفسك. عرّف بنفسك، واللي يقول «لا» لا ترسل له مرة ثانية.

قوائم جاهزة

تبي أرقام واتساب لعملاء جدد؟

هذي القوائم فيها أكثر أرقام واتساب. كل قائمة ملف Excel وCSV، وفيه رابط واتساب جاهز لكل جوال.

كل القوائم حسب النشاط

جوال يعرض محادثة بجانب بطاقة رمز على طاولة محل

إنشاء رابط واتساب برسالة جاهزة وكود QR لرقم منشأتك

إنشاء رابط واتساب لرقم منشأتك ياخذ ثواني: تكتب الرقم، وتضيف رسالة جاهزة إذا حاب، وتاخذ رابط مباشر وكود QR تطبعه. وهنا تعرف وين تحط الرابط، وكيف تكتب رسالته، وأي أرقام يشتغل معها، وكيف تستفيد منه بدون ما تزعج أحد.

باختصار

  • رابط wa.me يفتح محادثة مع رقمك بدون ما يحفظه العميل، وتحطه في البايو والإعلانات والكروت.
  • الرسالة الجاهزة تبدأ المحادثة عن عميلك، وتعرف منها من وين وصلك.
  • يشتغل لأي رقم عليه واتساب: جوال، أو رقم موحّد أو ثابت عليه واتساب الأعمال.

آخر تحديث 20 نوفمبر 2026

ما هو رابط واتساب wa.me؟

رابط واتساب رابط قصير يفتح محادثة مع رقمك مباشرة، بدون ما يحفظ العميل رقمك في جواله. يبدأ بـwa.me/، وبعده رقمك بالصيغة الدولية: مفتاح الدولة، ثم الرقم بدون الصفر الأول، وبدون + أو مسافات.

الرابطاللي يصير لما يضغطه العميل
رابط بدون رسالةتنفتح محادثة فاضية مع رقمك، ويكتب العميل اللي يحتاجه
رابط برسالة جاهزةتنفتح المحادثة والرسالة مكتوبة، ويرسلها العميل بضغطة
كود QRيصوّره العميل بكاميرا جواله، ويفتح نفس الرابط

الأداة ترتّب الرقم لك مهما كتبته، وتعطيك الرابط والكود في نفس الصفحة.

وين تستخدم رابطك

المكانكيف تحطه
البايو في حساباتكالرابط في خانة الموقع في إنستقرام وتيك توك وسناب وX، أو في صفحة روابطك
الإعلاناتزر «راسلنا» أو رابط الإعلان يفتح واتساب، برسالة تقول من أي إعلان جاء العميل
الكروت والتوقيعكود QR على كرت العمل، والرابط في توقيع إيميلك وصفحة التواصل في موقعك
المطبوعاتكود QR على المنيو وواجهة المحل والفاتورة والكرتون وبوث المعرض
الخرائطالرابط في ملف منشأتك على خرائط قوقل، جنب رقمك

رسائل جاهزة تبدأ فيها المحادثة

الرسالة الجاهزة تختصر على عميلك أول خطوة: يفتح المحادثة ويلقى سؤاله مكتوب. وإذا كتبت لكل مكان رسالته، تعرف من وين وصلك كل عميل.

المكانمثال للرسالة
البايو«السلام عليكم، حاب أستفسر عن الأسعار.»
إعلان«السلام عليكم، شفت إعلانكم في سناب وحاب أعرف عن العرض.»
المنيو أو الواجهة«السلام عليكم، حاب أطلب من المنيو.»
كرت العمل«السلام عليكم، أخذت كرتك وحاب نتواصل.»
صفحة الحجز«السلام عليكم، حاب أحجز موعد.»

خلّ الرسالة قصيرة وواضحة: سطر واحد يكفي، والكود يطلع أوضح في الطباعة.

جوال، أو رقم موحّد، أو ثابت

رابط واتساب يشتغل مع أي رقم عليه واتساب. والجوال ما هو الخيار الوحيد: المنشأة ممكن تشغّل واتساب الأعمال على رقمها الموحّد أو الثابت، حتى يراسلها العملاء على نفس الرقم اللي يعرفونه.

  • جوال: اكتبه كما تعرفه، مثل 05، أو 5، أو 966، أو ‎+966.
  • رقم موحّد أو ثابت: اكتبه كما هو، والأداة تجهّز رابطه. والرابط يفتح محادثة إذا الرقم عليه واتساب الأعمال.
  • رقم من دولة ثانية: اكتبه بـ+ ومفتاح دولته.

الأداة ما تعرف إذا الرقم عليه واتساب. فاضغط «جرّب الرابط» قبل ما تنشره أو تطبعه: إذا انفتحت المحادثة مع منشأتك، رابطك جاهز.

كيف تجهّز رابط واتساب

  1. اكتب رقمك: رقم واتساب منشأتك، جوال أو موحّد أو ثابت.
  2. أضف رسالة جاهزة: اختياري، اختر من الأمثلة أو اكتب رسالتك.
  3. اضغط «جهّز الرابط»: يطلع لك الرابط وكود QR.
  4. جرّب الرابط: تأكد إن المحادثة تنفتح مع رقمك.
  5. انسخه أو نزّل الكود: حط الرابط في حساباتك، واطبع الكود على مطبوعاتك.

عندك أرقام كثيرة؟

الصق عمود الأرقام من Excel أو أي ملف، رقم في كل سطر. الأداة ترتّب الأرقام بالصيغة الدولية، وتعطيك رابط كل رقم، وتقدر تنسخها أو تنزّلها ملف CSV.

الروابط هنا بدون رسالة جاهزة، وكل ضغطة تفتح محادثة وحدة. اكتب لكل منشأة رسالة شخصية: عرّف بنفسك ومنشأتك، وقل ليش تتواصل معها، واللي يقول «لا» لا ترسل له مرة ثانية.

نصائح قبل ما تنشر رابطك

  • جرّبه من جوال ثاني: تأكد إن المحادثة تنفتح مع رقم منشأتك، والرسالة مكتوبة صح.
  • رقم واحد في كل مكان: نفس الرابط في حساباتك وإعلاناتك ومطبوعاتك، حتى ما يتوه العميل.
  • جهّز واتساب الأعمال: رسالة ترحيب، ورسالة لما تكون خارج الدوام، وساعات عملك.
  • لا تطبع الكود صغير: اكتب جنبه سطر مثل «صوّر الكود وكلّمنا واتساب»، وجرّبه بجوالك قبل ما تطبع الكمية.
  • رد بسرعة: العميل اللي ضغط الرابط ينتظر رد، فخلّ أحد يتابع المحادثات.

قوائمنا جاهزة بروابطها

كل جوال في قوائمنا جاي معه رابط واتساب في الملف، فما تحتاج ترتّب الأرقام بنفسك. اختر مجالك ومدينتك.. وابدأ.

الخدمةتناسبك إذا
عينة مجانيةتحب تشوف الملف قبل ما تشتري. افتح صفحة قائمة محدّثة، وشوف عشر منشآت منها، واطلب ملف العينة على بريدك.
القوائم الجاهزةتعرف مجال ومدينة عملائك. الملف يوصلك فور الدفع بصيغة Excel وCSV.
برنامج متابعة العملاءعندك ملف قائمة وتحب تتابع كل منشأة فيه: حالة، وملاحظة، وموعد، ورابط واتساب بضغطة.

أسئلة شائعة

قبل ما تبدأ

كيف أسوي رابط واتساب لرقمي؟

اكتب رقمك كما تعرفه في الأداة، وأضف رسالة جاهزة إذا حاب، واضغط «جهّز الرابط». يطلع لك رابط wa.me تنسخه، وكود QR تنزّله وتطبعه.

هل رابط واتساب يشتغل مع الرقم الموحّد أو الرقم الثابت؟

نعم، إذا الرقم عليه واتساب الأعمال. الرابط يفتح محادثة مع أي رقم مسجّل في واتساب، جوال كان أو موحّد أو ثابت. جرّب الرابط بنفسك قبل ما تنشره.

هل أقدر أحط رسالة جاهزة في رابط واتساب؟

نعم. الرسالة تطلع لعميلك مكتوبة أول ما يفتح المحادثة، وهو اللي يرسلها. خلها قصيرة، وخلها تقول من وين جاء العميل، مثل «شفت إعلانكم في سناب».

هل كود QR لرابط واتساب ينتهي؟

لا. الكود صورة للرابط نفسه، ويشتغل ما دام رقمك على واتساب. وإذا غيّرت الرقم أو الرسالة، نزّل كود جديد.

هل تحفظون رقمي أو الأرقام اللي ألصقها في أداة رابط واتساب؟

لا. الأداة تشتغل كلها في متصفحك: ما نرفع الأرقام ولا نحفظها، وتروح أول ما تقفل الصفحة.

أقدر أرسل لأرقام كثيرة مرة وحدة برابط واتساب؟

لا. كل رابط يفتح محادثة وحدة، وما فيه إرسال جماعي. الرسائل الجماعية لناس ما تواصلوا معك تزعجهم، وواتساب ممكن يحظر الرقم اللي يرسلها. عرّف بنفسك، واللي يقول «لا» لا ترسل له مرة ثانية.