لكل قطاع..خط يوصله لعملائه

حدد نوع المنشآت اللي تحتاج خدمتك، واختر مدينة تقدر تخدمها، وابدأ مع قائمة جاهزة بأرقامها. بعدها أرسل رسالة قصيرة فردية أو اتصل، وسجّل من ردّ، ومتى تتابع.

شوف مين يشتري منك اليوم، وابدأ بنفس النوع في مدينتك. وتقدر تشوف عشر منشآت من القائمة في صفحتها قبل ما تشتري.

شوف القوائم الجاهزة حسب المجال والمدينة. وإذا عملاؤك في نوع ما له قائمة، اكتب لنا النوع والمدينة، ونجهّز لك قائمة مخصصة خلال أسبوع.

ما نعد برقم. النتيجة تعتمد على عرضك، وسعرك، وأول رسالة منك. القائمة تعطيك المنشآت بأرقامها، والتجربة تعطيك أرقامك أنت: تواصل مع دفعة صغيرة، واحسب الردود، وعدّل عرضك قبل ما توسّع.

ابدأ بواحد. اختر المجال اللي عندك فيه أقوى نموذج أو أوضح عرض، لأن الرسالة اللي تناسب مطعم ما تناسب عيادة. وإذا نجح العرض، انقله للمجال اللي بعده بنفس الطريقة.

ابدأ بالمدينة اللي تقدر تخدمها اليوم. إذا شغلك يحتاج توصيل أو زيارات، خلك في مدينتك وفلتر على الأحياء القريبة. وإذا كان شغلك عن بعد، مثل البرامج والتصميم، تقدر تبدأ بأي مدينة أو بقائمة أوسع.

شوف الأرقام قبل ما تشتري. صفحة كل قطاع فيها حجم المجالات اللي تهمه، وصفحة كل قائمة فيها عددها وتصنيفاتها الفرعية. وهذي الأرقام تبيّن اللي تغطيه قاعدتنا، وما تمثّل حجم السوق كله.

خل نسبة الجوال تقرر. صفحة كل قائمة تبيّن نسبة المنشآت اللي لها جوال، ولكل جوال رابط واتساب. المجال اللي نسبته عالية ابدأ فيه برسالة قصيرة فردية، والمجال اللي نسبته أقل، مثل المدارس، يوصله أكثر بالاتصال. وفي الحالتين عرّف بنفسك، واللي يطلب ما تتواصل معه، احذف رقمه مباشرة.

دوّر على صاحب القرار. الملف فيه بيانات المنشأة، وما فيه أسماء موظفيها. في المنشأة الصغيرة غالباً تكلّم صاحبها. وفي الكبيرة اسأل عن المسؤول عن الشراء، واكتب اسمه في ملفك للمتابعة.

القائمة بداية الخط. تحتاج معها عرض واضح، ورسالة قصيرة، ومتابعة منظمة. لهذا صفحة كل قطاع تعطيك نموذج أول رسالة وخطوات البداية، وخط البيع فيه مقالات عن التواصل والمتابعة.

القائمة لنشاطك أنت. تستخدمها منشأتك في تسويقها وبيعها، وما تشاركها مع أحد خارجها. وإذا تحتاج توصل لمنشآت عن عميلك، باقة الإعلان تناسبك: نكتب إعلانه ونرسله للمجال والمدينة اللي تختارها.

تبقى عندك، ويوصلك الجديد. نحدّث القوائم كل 3 أشهر، وأول تحديث بعد شرائك مجاني. بعده تشتري التحديث بـ20% من سعر القائمة وقت ما تحتاجه، أو تشترك سنوياً بنفس النسبة ويوصلك 3 تحديثات خلال سنة.